Darvinizm Allahın varlığı və birliyini, insanların Rəbbimizə qarşı məsul olduqlarını inkar edən sistemdir. Materializmin və din əxlaqına uyğun olmayan cərəyanların dayaq nöqtəsidir. Buna görə də elmi cəhətdən məğlub olmasına baxmayaraq, ideoloji düşüncə ilə davam etdirilməyə çalışılır. Kainatın və insanın təsadüfən yarandığını müdafiə edən darvinist-materialist cərəyanlar bir növ heyvan olan insanların arasındakı əlaqələrin də heyvani olmalı olduğunu iddia edir. Bu qəddar düşüncə eqoizmi, mərhəmətsizliyi, münaqişəni, cinayəti normal qəbul edir. Mərhəmət, sevgi, şəfqət, hörmət kimi duyğuların isə saxta təkamül prosesini zəiflətdiyini düşünürlər. Buna görə də darvinist təlqinlərlə sevgidən uzaq, zalım, təcavüzkar, mənfəətçi insanlar yetişir.

Darvinizm 150 ildən çoxdur ki, dinsizliyi, əxlaqsızlığı, anarxiyanı, döyüşü və mübarizəni cəmiyyətlərə təlqin edir. Darvinizmin bu təlqinləri böyük ictimai fəlakətlərə səbəb olur. Buna sübut olaraq döyüşlər, qırğınlar, anarxiya və terror hadisələri ilə yadda qalan 20-ci əsri göstərmək olar. Digər millətləri saxta təkamül prosesini keçə bilməmiş bir növ heyvan olaraq görən, inkişaf etməyin yalnız mübarizə ilə mümkün olduğunu düşünən, insanlar arasında da vəhşi təbiət qanunlarının qüvvədə olduğuna inananlar dünyanı qan gölünə çeviriblər. Hal-hazırda da darvinist təbliğat geniş yayılıb. Gənclər məsuliyyətsiz olduqları təlqinləri ilə əxlaqsızlığa, digər insanların dəyərsiz olduğu deyilərək mərhəmətsizliyə, mübarizənin məqbul olduğu iddia edilərək döyüşə, anarxiyaya və terrora meyilləndirilirlər. Bir çox ölkə darvinizm nəzəriyyəsinə qarşı mübarizə aparır.

Bu vəziyyət qarşısında bəşəriyyətin darvinizmin təhlükələrinə və yalanlarına qarşı xəbərdar edilməsi, belə təhlükəli zehniyyətin fikirlə təsirsiz hala gətirilməsi çox vacibdir. Çünki darvinizmi və səbəb olduğu təhlükələri qavraya bilməyən insanlar darvinizmə qarşı aparılan elmi mübarizənin də əhəmiyyətini dərk etmirlər.

Bu şəxslər darvinizmlə elmi cəhətdən mübarizə aparmaq əvəzinə, bundan qaçmaq üçün müxtəlif yollara müraciət edirlər. Bəziləri "darvinizm əslində çox mühüm mövzu deyil" deyərək öz aləmlərində bu fikri mübarizəni əhəmiyyətsiz görür və göstərir. Bəziləri də İslamla təkamül nəzəriyyəsi arasında "orta yol" yaratmağı hədəf alır. Bunun üçün də darvinizmlə İslamı uyğunlaşdırmağa çalışırlar. "Darvinizmi müsəlmanlaşdırma cəhdi" olaraq adlandırılan bu fikir çox ciddi səhvlərdən ibarətdir. Darvinizmlə İslam arasında "kompromis" axtarmaq müsəlman üçün qətiyyən doğru hərəkət deyil. Məqsədi Allahı və yaradılışı inkar etmək olan nəzəriyyə ilə "uzlaşmaq" səmimi iman gətirənlər üçün mümkün deyil. Quran ayələrində də, Peyğəmbərimizin (səv) hədislərində də təkamülə işarə edən fikir yoxdur.

İnanclı insanların yaradılış həqiqətinə tamamilə qarşı olan nəzəriyyəni təhlükəsiz görmələri, onun inkişafını seyr etmələri darvinizmin cəmiyyətdə getdikcə yayılmasına və ateizmi gücləndirməsinə bilavasitə dəstək olacaq. Buna görə dindarlar təkamül nəzəriyyəsinin mənasını yaxşı dərk etməlidirlər. Təkamül nəzəriyyəsi materialist fəlsəfənin "elmi" görünən üslubla ifadə edilməsindən ibarətdir. Materialist fəlsəfə isə "dinsizliyin dini" dir.

Darvinizmə qarşı elmi mübarizə çox əhatəli olmalı və dünya səviyyəsində aparılmalıdır. Çünki darvinizm bütün cəmiyyətləri hədəf alaraq bəşəriyyəti böyük fəlakətlərə aparır. Qəzet və jurnal məqalələri, sənədli filmlər, televiziya proqramları vasitəsilə tez-tez aparılan darvinizm təbliğatına qarşı bu azğın ideologiyanın elmi cəhətdən heç bir dəyərinin olmadığı və necə təhlükələr yaratdığı hər kəsə izah edilməlidir. Təkamül nəzəriyyəsinin elmi cəhətdən çökdüyünü, darvinist təbliğatın boş uydurma olduğunu görənlərin sayı artdıqca, darvinizm bəlasının təsiri azalacaq. İnsanları inancsızlığa və dinsizliyə aparan darvinizmin fikirlə aradan qalxması sayəsində din əxlaqı sürətlə yayılacaq, yer üzünə sülh, təhlükəsizlik və hüzur hakim olacaq.

Darvinizm necə təhlükə yaradır?

Bütün kainatın və canlıların təsadüfən yarandığını iddia edən darvinizm dövrümüzün ən təhlükəli ideologiyasıdır. Materializm, kommunizm və faşizm başda olmaqla, bəşəriyyətə fəlakət gətirən bütün zərərli ideoloji cərəyanların elmi əsası olan darvinizm təxminən 150 ildir ideoloji düşüncələrlə davam etdirilir.

Lakin darvinizm haqqında məlumata sahib olmayan və ya bu materialist ideologiya haqqında dərindən düşünməyənlər darvinizm təhlükəsindən xəbərsizdirlər. Təkamül nəzəriyyəsinin yarandığından bu günə kimi ictimai və böyük əxlaqi fəlakətlərin baş verməsinə səbəb olduğunu bilmədikləri üçün darvinizmə qarşı aparılan fikri mübarizənin nə qədər əhəmiyyətli olduğunu dərk etmirlər. Halbuki Allahın varlığını və birliyini, insanların Rəbbimizə qarşı məsul olduğu həqiqətini rədd edən darvinist ideologiya insanlara təsadüflərin əsəri və bir növ heyvan olduqları təlqinini verərək böyük fəlakətlərə zəmin hazırlayır. Həyatı mübarizə yeri kimi qəbul edir və zəifləri məğlub fərdlər kimi göstərərək yalnız güclülərin qalib olacağını iddia edir. Elə buna görə də darvinizmə qarşı elmi mübarizə çox əhəmiyyətli və vacibdir. Bu mübarizəni "lazımsız" və ya "əhəmiyyətsiz" göstərməyə çalışmaq isə çox böyük yanlışdır.

Darvinizmə qarşı aparılan elmi mübarizənin əhəmiyyətini qavramaq istəyən bu nəzəriyyənin məqsədini, mənşəyini və 150 ildir səbəb olduğu fəlakətləri araşdırmalıdır. Bu araşdırma sayəsində təkamül nəzəriyyəsinin qətiyyən Allah inancı ilə uyğunlaşmadığını, aralarında əlaqənin olmadığını anlayacaq. Bunun səbəbi darvinizmin materialist və ateist mənşəli olmasıdır.

Din əxlaqı insanlara sevgi, şəfqət, mərhəmət, anlayış kimi gözəl xüsusiyyətlər qazandırır. Darvinizm isə insanlara məsuliyyətsizlik və məqsədsizlik təlqini verir. Darvinist təlqinlər insan sevgisindən uzaq, mərhəmətsiz, eqoist, mənfəətçi fərdlərin yetişməsinə səbəb olur.

Darvinizmin yaranmasının ictimai həyatdakı mənfi təsirlərini diqqətlə araşdırdıqda iki fərqli dövrün olduğunu görürük. Darvinizmdən əvvəl və darvinizmdən sonra. Darvinizmdən əvvəl materialist ideologiya zəif, cəmiyyətin əksəriyyəti tərəfindən dəstəklənməyən yalnız kiçik qruplar tərəfindən qəbul edilirdi. İnsanların əksəriyyəti Allah qorxusu və Allah sevgisindən yaranan əxlaqi dəyərlərə əhəmiyyət verirdi. Bəşəriyyətin və kainatın necə yarandığı sualına böyük əksəriyyət "Allah yaratdı" şəklində cavab verirdi. Materialist-ateist düşüncələr cəmiyyətin əksəriyyəti tərəfindən qəbul edilmirdi. Çünki bu ideologiyanın dəstəkləyəcək nəzəriyyə yox idi. Lakin təkamül nəzəriyyəsinin yaranması ilə çox şey dəyişdi. Təkamül nəzəriyyəsi materializmə elmi dayaq olaraq insanlara təqdim edildi. Doğruluğu olmamasına baxmayaraq, həyatın necə yarandığını izah edən nəzəriyyə kimi göstərildi. Saxta dəlillər, tövsiyələr, təhriflər, yalanlar və demaqogiya kimi təbliğat üsulları ilə insanlara təlqin edildi və beləliklə də əksəriyyət tərəfindən qəbul edildi.

Darvinizmin əvvəl İngiltərədə daha sonra da bütün Avropa və Amerikada ateizmə verdiyi dəstək Oxford Universitetindən prof. Alister McGrath tərəfindən belə ifadə edilir:

“Çarlz Darvinin təkamül nəzəriyyəsi Viktoriya İngiltərəsində daxilən hərəkətlənməyə başlayan inanc böhranını daha da gücləndirir. Qərb dünyasını ateizmə aparan nəzəriyyə varsa, o da heç şübhəsiz Çarlz Darvinin “Növlərin Mənşəyi” kitabında bəhs etdiyi nəzəriyyədir”. (The Twilight Of Atheism, s. 98)

Hal-hazırda Rusiya, Çin və bəzi Avropa ölkələri başda olmaqla, dünyanın böyük hissəsində elmin etibarsız etdiyi təkamül nəzəriyyəsi hələ də fəaliyyətini davam etdirir, insanların din əxlaqından uzaqlaşmasına səbəb olur.

Darvinizmin elmdən kənar təlqinləri ilə insanlar uşaqlıqdan etibarən acı və zülmlə nəticələnəcək yola istiqamətləndirilirlər. Dünyadakı bütün məktəb, lisey və universitetlərdə insanın inkişaf etmiş heyvan növü olduğu, cəmiyyətlər arasında meşə qanunlarının etibarlı olduğu, güclülərin hər zaman haqlı olduğu və zəifləri əzəcəyi, həyatın mübarizə olduğu yalanları ilə aldadılan gənclər yaşadıqları cəmiyyətdə böyük problemlərə səbəb olurlar. İnsan sevgisindən uzaq, zalım, təcavüzkar, eqoist, əxlaqi dəyərlərə əhəmiyyət verməyən nəsillər yetişdirən darvinist sistemdə ölkələrin əksəriyyəti öz vətəndaşları ilə böyük problemlər yaşayır. Xuliqanlar, neo-nasistlər, faşistlər, kommunistlər, anarxistlər, terrorçular bu ölkələri yaşanmaz hala gətirib. Rəhbərlər də problemin səbəbini yaxşı bildikləri halda, bu vəziyyəti düzəltməyə gücləri çatmır.

12 fevral 2001-ci il tarixli “Newsweek” jurnalı asılılıqla mübarizə haqqında mövzuya jurnalın qapağında yer verib və ölkələrin çoxunda narkotik istifadəsinin çox əhəmiyyətli problem olduğuna diqqət çəkib.

“Time” jurnalının "İtkin Gənclik" başlıqlı xəbəri gənclər arasında degenerasiyanın yayılmasına həsr olunmuşdu. Başda gənclər arasında olmaqla əxlaqi degenerasiyanın və cinayət nisbətlərinin artmasının səbəbi darvinizm təlqinləridir. Gənclərə daima bir heyvan növü olduqları, dəyərsiz və məqsədsiz olduqları, mübarizənin həyatın qanunu olduğu təlqin edildikdən sonra degenerasiyanın səbəbini müzakirə etmək səmimi davranış deyil. Əxlaqi degenerasiyanın qarşısını almaq darvinist təlqinlərə son qoyulması və din əxlaqının yayılması ilə mümkündür.

Problemin yaranma səbəbi, yəni darvinizm fikirlə təsirsiz hala gətirilməlidir. Çünki baş verən bir sıra hadisələr məhkəmə və hərbi tədbirlərin tək başına kifayət etmədiyini göstərir. Unudulmamalıdır ki, gicitkən otlarını biçməklə onlar tükənmir. Biçilən yerlərdən daha gur və çox budaqlı şəkildə inkişaf edir. Bunun həlli gicitkən otunu kökündən çıxarıb atmaqdır. Hal-hazırda cəmiyyətin yaşadığı əxlaqi və ictimai problemlərin təməlində darvinist təlqinlər dayanır. Bu təlqinlərin yanlış olduğu göstərilmədikcə, problemlər həll olunmayacaq.

Faciəvi ideologiyaların kökündə darvinizm var. Darvinizmlə İslam dini arasında ortaq yol axtaran, öz aləmlərində bu azğın nəzəriyyəni müsəlmanlaşdıracaqlarını düşünənlər nəzəriyyənin insanlar üzərindəki təxribatına laqeyd yanaşırlar. Faşizm, kommunizm kimi ideologiyaların darvinizm sayəsində davam etdirildiyini görməzdən gəlirlər. Halbuki 20-ci əsrdə baş verən döyüşləri, münaqişələri, anarxiyanı araşdırdıqda qarşımıza həmişə darvinizm çıxır.

Təkamül nəzəriyyəsi yarandıqdan qısa müddət sonra biologiya və paleontologiya kimi elm sahələrindən kənara çıxaraq, insan münasibətlərindən tarixin şərhinə, siyasətdən cəmiyyətə qədər bir çox sahəyə təsir etməyə başlayıb.

Xüsusilə də darvinizmin "təbiətin mübarizə meydanı olduğu" yalanı cəmiyyətlərə tətbiq olunduğu üçün Hitlerin yüksək irq yaratma cəhdinə, Marksın "insanlıq tarixi mübarizə tarixidir" yanlışına, kapitalizmin "güclülərin zəifləri əzərək daha da güclənmələrini" nəzərdə tutmasına, üçüncü dünya ölkələrinin imperialist ölkələr tərəfindən istismar edilmələrinə, zəncilərin hələ irqçi hücumlar və ayrıseçkiliyə məruz qalmasına elmi don geyindirilmişdir. İnsanları inkişaf etmiş heyvan kimi görənlər zəif olanları əzərək yüksəlməkdən, xəstə və zəifləri, fərqli və aşağı gördükləri irqləri yox etmək üçün müharibələr törətməkdən çəkinmirlər. Çünki elm maskası taxmış nəzəriyyələri onlara bunun "təbiətin qanunu" olduğunu söyləyir.

Darvinizm ilə elmi mübarizə aparmaq bütün müsəlmanların borcudur

İndiki dövrdə texnoloji imkanlar müsəlmanlar üçün çox böyük nemətdir. Bu nemətlərdən lazımi qədər faydalandıqda darvinizmə və materializmə qarşı aparılacaq fikri mübarizə daha asan və sürətli olacaq. Heç kim "mən nə edə bilərəm ki", "mənim cəhdim nəyi dəyişdirər ki" kimi yanlış düşüncələrə qapılmamalıdır. Hər kəsin imkanı nə olursa-olsun, bunu nə qədərini istifadə etdiyi, səmimiyyətlə nə dərəcədə cəhd etdiyi əhəmiyyətlidir. Nəticəni təqdir edəcək olan Allahdır. Allah, səmimi olaraq cəhd edənlərin işlərini ən gözəl şəkildə neticələndirir. Hər kəsin cəhdinin qarşılığını əskiksiz alacağı, Quranda belə xəbər verilmişdir:

İnsan can atdığı şeyə nail olar. Əlbəttə, onun can atdığı (əməl) ona nəsib olacaqdır. Sonra da ona (bunun) əvəzi tam veriləcəkdir! Son dönüş sənin Rəbbinədir. (Nəcm surəsi, 39-42)

Bütün insanlar arasında Quran əxlaqının yayılması üçün cəhd etmək iman və vicdan sahibi bütün insanların borcudur. Allah Quranın "Qoy sizin içərinizdən xeyrə çağıran, yaxşı işlər görməyi buyuran və pis əməlləri qadağan edən bir camaat çıxsın. Məhz onlar nicata qovuşanlardır" (Ali İmran surəsi, 104) ayəsi ilə bu öhdəliklərini iman gətirənlərə bildirmişdir. Quran əxlaqının təbliğ edilməsinin əhəmiyyətli mərhələlərindən biri də insanları Quran əxlaqından uzaqlaşdıran ideologiyaların aradan qaldırılmasıdır. Din əxlaqının yaşanmasına və yayılmasına mane olan ideologiyalar fikirlə təsirsiz hala gətirildikdə, insanların doğrunu görməkləri daha asan olacaq.

Başqa ayədə isə Allah bütün inananlara "...Yaxşı işlər görməkdə bir-birinizlə yarışın. Hamınızın qayıdışı Allaha olacaq..." (Maidə surəsi, 48) şəklində buyurub. Hal-hazırda materializmin və ateizmin elmi yolla məğlub edilməsi ən xeyirli işlərdən biridir. Allahın izni ilə bu iş dinsizliyin sonunu gətirəcək, din əxlaqının yer üzünə hakim olmasına səbəb olacaq. Bu səbəbdən hər müsəlman əlindəki imkanlarla darvinizmi fikirlə aradan qaldırmağa, Quran əxlaqının təbliğ edilməsinə dəstək olmağa çalışmalıdır.

Bu mövzudakı səhv düşüncələrdən biri də "imkanları olanlar onsuz da əllərindən gələni edirlər, mənim başqa bir şey etməyimə ehtiyac yoxdur" məntiqidir. Halbuki hər insan Allahın Quranda bildirdiyi hökmləri tətbiq etmək, əxlaqlı yaşamaq, məsuliyyətləri yerinə yetirməkdən məsuldur. Belə ki, necə bir kimsə başqasının etdiyi səhvlərdən, etdiyi günahlardan (lazımi xəbərdarlığı etdikdən sonra) məsul olmursa, başqasının etdiyi gözəl davranışlardan da (əgər özünün bunda bir dəstəyi yoxdursa) payı olmaz. Axirət günündə hər kəs tək başına Rəbbimizin hüzuruna çıxacaq və etdikləri və etmədiklərinə görə tək başına hesab verəcək. Bu Quranda belə bildirilir:

Hüzurumuza ilk dəfə sizi xəlq etdiyimiz kimi tək-tənha, həm də sizə verdiyimiz (nemətləri) arxanızda qoyub gəldiniz.... (Ənam surəsi, 94)

Hər müsəlman digər mövzularda olduğu kimi, inkara qarşı nə qədər fikri mübarizə aparıb, nə qədər cəhd etdiyi barəsində də tək başına hesab verəcək. Buna görə də hər kəs nəfsin bəhanəsinə aldanmadan, əlindən gələnin ən çoxunu etməli, dinsizliyin yox olması üçün gücünün çatdığı qədər cəhd etməlidir. Allah yolunda səmimiyyətlə cəhd edənlərə, Allah şübhəsiz yol göstərəcək, onları köməyi ilə dəstəkləyəcək. Rəbbimiz möminləri belə müjdələyir:

... Allah Ona yardım edənlərə, mütləq yardım edər. Şübhəsiz ki, Allah Qüvvətlidir, Qüdrətlidir. (Həcc surəsi, 40)
Bir şeyi (yaratmaq) istədikdə ona təkcə: “Ol!” deyər, o da olar. (Yasin surəsi, 82)

Elmi sübutlar aydın və dəqiq təqdim edilməlidir

Darvinistlər nəzəriyyələrinin elmi olduğu iddiası ilə daima bunun təbliğatı ilə məşğuldurlar. Bu vəziyyət qarşısında müsəlmanların darvinizmə cavabı da elmi olmalı, elm adına göstərilən iddialar yenə elmlə çökdürülməlidir. Darvinizmə qarşı bütün elmi yeniliklər yaxından izlənilərək, bu yeniliklər nəticəsində ortaya çıxan həqiqətlər toplanaraq, açıq və dəqiq dəlillər təqdim edilərək mübarizə aparılmalıdır. Kifayət qədər məlumat və dəlil təqdim etmədən "madam ki, insanlar meymundan əmələ gəldi, niyə o zaman hələ meymunlar var, onlar niyə insana çevrilmir" kimi illərdir vərdiş edilmiş bəzi nümunələr verilərək darvinizmin fikirlə məğlub ediləcəyini düşünmək, hadisənin mahiyyətinin kifayət qədər düşünülmədiyi üçün baş verir.

Müxtəlif mənbələrdən daima darvinizm təbliğatına məruz qalan insanın sadə və sıravi nümunələrlə formalaşmış düşüncəsinin dəyişməyəcəyi açıqdır. Buna görə elmin təkamül nəzəriyyəsini dəstəklədiyini düşünən insanlara şəxsən elmi nəticələri təqdim edərək təkamülün elmdən kənar olduğunu göstərmək lazımdır.

Təbii seleksiyanın təkamül gücü olmadığı, illərdir təkamülə dəlil kimi göstərilən sənaye kəpənəklərinin bu iddiaları dəstəkləmədiyi, Kembri dövrü tapıntılarının təkamüllə açıqlanmasının mümkün olmadığı, mutasiyaların canlıların quruluşuna zərər verdiyi elmi dəlillərlə sübut edilməlidir. Fosil qeydlərinin canlıların pilləli olaraq digərindən əmələ gəlmədiyini göstərdiyi, göstərilən qalıq nümunələrinin saxta olduğu, qalıq qeydlərində milyonlarla ildir canlıların quruluşunda heç bir dəyişiklik olmadığını, yaşayan fosillərin təkamül nəzəriyyəsi üçün girdab olduğu, insanın xəyali soy ağacının yüzlərlə dəlillə çürüdüldüyü, zülalın, hüceyrənin, DNT-nin, RNT-nin təsadüflərlə meydana gəlməsinin qeyri-mümkün olduğu açıq və dəqiq olaraq izah edilməlidir. Cansız maddələrin canlıları yarada bilməyəcəyi, şüursuz atomların birləşərək düşünən, sevilən, sevən, mərhəmət edən, gülən, mühakimə edən varlıq yaratmayacaqları, göz və qulaq kimi orqanlardakı qüsursuz nizamın əmələ gətirməyəcəyi ağıllı nümunələrlə açıqlanmalıdır. Variasiyanın, antibiotik müqavimətinin təkamülə dəlil olmadığı, rudiment orqanların mövcud olmadığı, canlılardakı bənzərliyin darvinizmi dəstəkləmədiyi, molekulyar homologiyanın etibarsız iddia olduğu, təkamül nəzəriyyəsinin embrioloji sübutunun olmadığı təqdim edilməlidir.

İnsanların əksəriyyəti yuxarıda saydığımız həqiqətlərdən xəbərsiz olduğu üçün darvinizmin təlqinlərinə aldanır. Bu həqiqətlər, aydın nümunələrlə, elmi tapıntılarla, dəlil və sübutlarla izah ediləndə insanların çoxu həqiqətləri görəcək. Buna görə müsəlmanlar yola verən cavablar, mənasız açıqlamalar vermək yerinə, elmi dəlillərlə darvinizmi yox etməlidirlər. Əks halda darvinizmi fikirlə məğlub etmək mümkün deyil. Dəlillərlə açıqlandıqda darvinizmi məğlub etmək çox asandır.

Elə buna görə müsəlmanlar bu mövzuda bilgilərini artırmalıdırlar. Ateistin, materialistin, darvinistin iddialarını ən hikmətli şəkildə yox edəcək məlumata sahib olan birinin darvinistlərlə elmi mübarizədən çəkinməsinə səbəb qalmır. Passivlik və acizlik göstərməsinə, narahat olmasına səbəb olan bütün hallar aradan qalxır. Müsəlmana yaraşan, darvinizmə qarşı açıq fikri mübarizədir. Hz.Musanın (əs) əsasının cadugərlərin bütün hiylələrini udub yox etməsi kimi ortaya qoyulan dəlillər, darvinizmin bütün yalanlarını təsirsiz hala gətirəcək. Allahın izni ilə, Rəbbimizin Quranda bildirdiyi kimi, haqq açıq şəkildə ortaya çıxacaq və inkarçılar böyük məğlubiyyətə məruz qalacaqlar:

Artıq haqq üzə çıxdı, onların etdikləri isə batil oldu. (Sehrbazlar) orada məğlub oldular və rüsvay olaraq geri döndülər. (Əraf surəsi, 118-119)

Şeytan müsəlmanlara darvinizmə qarşı mübarizə apardıqları üçün mane olmağa çalışır

Dünya həyatında yaradılan imtahanın tələbi olaraq şeytan daima insanları Allah yolundan uzaqlaşdırmağa çalışır, möminləri gücsüzləşdirmək, həyəcanlarını və şövqlərini qırmaq, beləliklə cəhdlərini azaltmaq istəyir. Şeytanın dünyadakı hədəfi vəsvəsə verərək insanları aldatmaq, beləliklə məhv etməkdir. Quranda şeytanın bu istiqamətdə göstərdiyi fəaliyyət, "Mən onları mütləq (doğru yoldan) azdıracaq və xülyalara salacağam..." (Nisa surəsi, 119) ayəsi ilə xəbər verilib. Şeytan bütün insanlara olduğu kimi inananlara da müxtəlif yollarla yaxınlaşmağa, xeyirli və gözəl olan şeyləri onlara şər kimi göstərməyə çalışır. Bəzi hadisələrin həll yolunun olmadığı kimi göstərərək yarı yoldan geri çevirmək, xeyirli işləri yarımçıq qoymaq istəyir. Hadisələri çətin göstərərək, insanları ümidsizliyə salmağa çalışır. Tənbəlliyə sövq edərək ağır davranmalarını, iradəsizlik göstərmələrini istəyir.

Şeytanın müsəlmanları gücsüzləşdirməyə çalışdığı mövzulardan biri də darvinizmə qarşı aparılan fikri mübarizədir. Darvinizmi elmi göstərərək fikirlə məğlubiyyətin imkansız olduğu təlqinləri verərək, müsəlmanları yersiz qorxularla darvinizmlə elmi mübarizədən uzaqlaşdırmaq istəyir.

Lakin Quranda şeytanın bütün cəhdlərinin və hiyləsinin əslində zəif olduğuna diqqət çəkilib:

(Şeytan) onlara vədlər verir və onları xülyalara salır. Lakin şeytanın onlara verdiyi vədlər aldatmaqdan başqa bir şey deyildir. (Nisa surəsi, 120)
... Şübhəsiz ki, şeytanın hiyləsi zəifdir. (Nisa surəsi, 76)

İman gətirənlər bu həqiqətin şüurunda olub şeytanın təlqinlərinin təsirinə düşməməlidirlər. Ağlını və vicdanını düzgün istifadə edən kimsə darvinizmə qarşı elmi mübarizədən qaçmır, əksinə ən təsirli, ağıllı və hikmətli üsullarla, böyük şövq və əzmlə bu mübarizəni aparır.

Möminlər darvinizmin yalanlarına qarşı Allahın varlığını və birliyini izah etmək, Allahın üstün yaradılışının dəlillərini tapmaq kimi şərəfli xidmət göstərirlər. Buna görə darvinizmə qarşı aparılan fikri mübarizədə müsəlmanlar yaxşı işlər görmək üçün şövqlə yarışmalı, şübhəsiz qalib olacaqlarını düşünərək əzmli və güclü olmalı, Rəbbimizin vədini əsla unutmamalıdırlar:

Acizlik göstərməyin və kədərlənməyin. Möminsinizsə, üstün olacaqsınız. (Al-i İmran surəsi, 139)

Darvinizmə qarşı elmi mübarizə aparmaqdan qaçanların ortaq psixologiyası darvinizmə qarşı olan əziklik duyğusudur. Təkamül nəzəriyyəsinin elmi tapıntılara söykəndiyini düşünənlər, elm qarşısında çarəsiz olduqlarını düşünürlər. Təkamülçülərin irəli sürdükləri iddiaların, doğruluğu sübut edilmiş məlumatlarla dəstəkləndiyini, bu səbəbdən özlərinin bunlara cavab vermələrinin az qala qeyri-mümkün olduğunu zənn edirlər. Cavab vermələrinin mümkün olmadığını sandıqları üçün də daha ən başdan "təslim olmağı" qəbul edirlər.

Bu mövzuda bu qədər geniş təbliğatın aparılmasının səbəbi nəzəriyyələrinin səhv olmasıdır. Televiziya xəbərlərində, qəzet və jurnal yazılarında tez-tez təkamülə sübut edilmiş, rədd edilməsi mümkün olmayan nəzəriyyə imici verilir. Təkamül nəzəriyyəsinin elmi sübutu olduğu, bunu rədd etməyin isə elmə qarşı hərəkət olduğu təəssüratı yaradılır. Lakin elmi araşdırmalar bu təbliğatın tam əksini göstərir. Elm təkamülü dəstəkləmir, əksinə qarşı çıxır. Tərəfsiz olaraq elmi müdafiə edən insanın təkamülü də müdafiə etməsi mümkün deyil. Təkamül nəzəriyyəsinin bu cür gündəmdə olması, elmi nəzəriyyə olduğu üçün deyil, materializmin və dinsizliyin dayaq nöqtəsi olmasıdır. Yəni təkamülün təbliğatı elmi sübutlarla deyil, ideoloji fikirlərlə aparılır.

Bəzi müsəlmanların şüuraltında "darvinizmlə mübarizə aparmağın qeyri-mümkün olduğunu" düşünməsinin təməlində də bu təbliğat dayanır. Bu təbliğatlar nəticəsində təkamülə qarşı çıxmağın elmə qarşı çıxmaq olduğu fikri yaranır. Elmə qarşı çıxmamaq üçün də elmi olduğu düşünülən təkamül nəzəriyyəsi ilə İslamiyyət arasında "ortaq yol" yaratmağa çalışılır. Lakin bu yalnız darvinizmə qarşı fikri mübarizədən qaçmaq üçün yoldur.

Əgər sən onlardan: “Göyləri və yeri kim yaratmışdır?”– deyə soruşsan, onlar hökmən: “Allah!”– deyəcəklər. De: “Həmd olsun Allaha!” Lakin onların çoxu (bunu) bilmir. (Loğman surəsi, 25)

Çünki səmimi düşünən və vicdanı ilə hərəkət edən şəxs, təkamül nəzəriyyəsinin doğru olmadığını asanlıqla dərk edə bilər. Olduqca həssas nizama və qüsursuz mexanizmə sahib olan canlıların təsadüfən yaranması mümkün deyil. Darvinistlər bir ovuc şüursuz atomun birləşərək yağışların, küləklərin, şimşəklərin, ildırımların təsiri ilə düşünən, hiss edən, söhbət edən, gözəl mənzərədən zövq alan, pişik balasına şəfqət duyan, kasıblara mərhəmət edən, simfoniya bəstələyən, memarlıq əsərləri düzəldən insanı yaratdığını iddia edirlər. Şüursuz atomların rəngarəng çiçəkləri, bir-birindən ləzzətli meyvələri, bir-birindən fərqli mükəmməl sistemlərə sahib heyvanları əmələ gətirdiyini söyləyirlər. Halbuki canlıların quruluşu təsadüflə əmələ gəlməyəcək qədər kompleks və mükəmməldir. Yaradılışları üstün ağılla mümkündür. Əldə edilən hər yeni məlumat canlıların üstün ağıl və güc sahibi Yaradıcının, yəni Rəbbimiz olan Allahın əsəri olduğunu bir daha göstərir.

Həmçinin elmi nəşrlərlə tanış olan insan da təkamül nəzəriyyəsinin böyük girdabın içində olduğunu aydın görə bilər. Elmi nəşrlər təkamülçü alimlərin etirafları və ziddiyyətləri ilə doludur. Əksər təkamülçülər darvinizmin həyatın yaranması haqqındakı fikrinin doğru olmadığını açıq etiraf edir. Yaradılış gerçəyini müdafiə edən darvinist alimlərin sayı getdikcə artır.

Buna görə də darvinizmə qarşı açıq və dəqiq şəkildə fikri mübarizədən çəkinilməməlidir. Elmi təkamülə qarşı sübut kimi gördükləri üçün bu məsələ ilə yaxından maraqlandıqları təqdirdə özlərinin də bu təlqinlərin təsirində qalıb inanclarının sarsılacağından, dünya görüşlərinin dəyişəcəyindən qorxanların narahatlıqları yersizdir. Elm darvinizmi deyil, yaradılışı dəstəkləyir. Darvinizmin irəli sürdüyü iddiaların yanlış olduğu yüzlərlə elmi dəlillə sübut edilir. Müsəlmanlar bu dəlillərdən istifadə edərək darvinizmi fikirlə təsirsiz hala gətirməlidirlər.

Darvinizm passiv və təslimiyyətçi anlayışla zərərsizləşdirilə bilməz

Bəzi müsəlmanlar tamamilə spekulyativ üsullarla və ideoloji səbəblərlə aparılan təkamül təbliğatlarını gözlərində böyüdüb, bununla bacara bilməyəcəklərini zənn edərək, şövqlə və həyəcanla darvinizmə qarşı mübarizə aparmaq əvəzinə, passiv davranırlar. Bu davranışın ən çirkin nümunələrindən biri, daha əvvəl də bildirdiyimiz kimi darvinizmi müsəlmanlaşdırmağa çalışmaqdır. Bu mövqelərini təsdiqləmək üçün də Şümer dövrü cəmiyyətlərindən qalan bütpərəst inanclardan istifadə edir, alim olaraq gördükləri şəxslərin sözlərini köçürür və "Din bunu izah edir" mesajı verməyə çalışırlar. Halbuki bu açıq-aydın darvinizmlə mübarizədən qaçmaq üçün bəhanədir. Bu şəxslər fikirlə qalib gələ bilməyəcəklərini düşündükləri üçün qorxub darvinizmə qarşı bu metoddan istifadə edirlər. Halbuki Allaha qəlbən inanan, Onun üstün gücünü təqdir edən müsəlman üçün bu mübarizə forması alçaldıcı davranışdır. Saleh müsəlmanın mübarizəsinin passiv olması mümkün deyil. "Biz də eyni şeyi müdafiə edirik" məntiqi ilə darvinizmə qarşı mübarizə aparmaq olmaz. Müsəlmanın iman gətirdiyi həqiqət hər şeyi Allahın yaratdığı həqiqətidir. Buna görə də müsəlmanın darvinistlərlə eyni şeyi müdafiə etməsi mümkün deyil. Müsəlman darvinizmə qarşı açıq-aydın, qalibanə fikri mübarizə aparmalıdır. Allah qorxusu güclü müsəlmanın darvinizmlə eyni fikri və ideologiyanı müdafiə etməsi mümkün deyil.

Darvinizm təhlükəsini görməyən, onun Allah inancına qarşı mübarizəsini anlamayan insanların yanlış üsullar tətbiq etmək yerinə, bu mövzuda heç bir açıqlama verməmələri daha yaxşı olar. Fikri mübarizədən qorxub, gücü çatmadığı mövzularda yanlış və ağılsız metodlara müraciət etmək doğru deyil. Təkamül nəzəriyyəsinə ciddi şəkildə qarşı qoyulmalıdır. Bu böyük təhlükəni sezməyərək darvinizmə qarşı aparılan fikri mübarizəyə mane olmaq, böyük yanlış və Allaha qarşı böyük məsuliyyətdir.

Darvinizmi "lazımsız" görmək ciddi yanlışdır

Darvinizmə qarşı aparılan fikri mübarizə bu qədər önəmli olduğu halda, bəziləri hələ də "niyə darvinizm bu qədər önəmlidir" deyərək öz aləmlərində bu mübarizəni alçaldır və ya "onsuz da Darvinə artıq inanan yoxdur, buna görə də bu mövzu ilə məşğul olmağa ehtiyac yoxdur" kimi həqiqətlə ziddiyyət təşkil edən məntiqlər irəli sürərək müsəlmanların darvinizmlə mübarizəsinə mane olmağa çalışırlar. Bu iddialar əslində bu mübarizədən qaçmaq üçün bəhanədir.

Halbuki darvinizm elmi nəzəriyyə deyil, insanlara Allahı inkar etdirmək üçün qurulan və müdafiə olunan düşüncə sistemidir. Təkamül nəzəriyyəsi ilə materialist fəlsəfə bir-birini tamamlayan iki düşüncə sistemidir. Qədim Yunanıstanda yaranan bu birlik 19-cu əsrin primitiv elm anlayışı ilə yenidən gündəmə gətirildi. Təkamül nəzəriyyəsi materializmi dəstəklədiyi üçün (elmi sübutunun olub olmadığına fikir vermədən) materialistlər tərəfindən qəbul olundu.

Məlumdur ki, darvinizmin və materialist fəlsəfənin yayılması ilə birlikdə, "İnsan nədir?" sualına azğın cavablar verilməyə başlandı. Əvvəllər bu suala "insan Allahın yaratdığı və Onun öyrətdiyi gözəl əxlaqa görə yaşamalı olan varlıqdır" cavabını verən insanların əksəriyyəti yanlış təlqin nəticəsində "insan təsadüfən yaranan, həyat mübarizəsi ilə inkişaf edən heyvandır" fikrini qəbul etdilər.

Təkamül nəzəriyyəsi təsadüfləri, zamanı və cansız maddələri ilahiləşdirərək bu gücsüz, şüursuz varlıq və anlayışlara özlərinə görə yaradıcılıq vəsfi veriblər. Müsəlman bütpərəst təməli olan nəzəriyyəyə əsla sahib çıxmamalıdır. İnanan insan Yaradıcımız olan Allahın hər şeyi yoxdan var etdiyinə iman gətirir və bunun əksi olan hər cür fikrə qarşı elmi mübarizə aparır.

Tərəfdarlarının təbliğatlarına aldanaraq darvinizmin təhlükələrinə fikir verməmək ciddi yanlışdır. Darvinizmin təhlükəsinin ciddiliyini qavramayan insan bir müddət sonra bu batil ideologiyaya normal yanaşmağa başlayır. Bu yanaşma isə ateizmi, dinsizliyi, materializmi qəbul etmək deməkdir. Darvinizmlə mübarizədən qaçmaq da ateizmlə, dinsizliklə mübarizədən qaçmaq deməkdir. Unudulmamalıdır ki, dünyanın hər tərəfində minlərlə müsəlmanın, qadınların, uşaqların, yaşlıların gördükləri zülmün, yaşadıqları acı və zülümlərin təməlində darvinizm dayanır. Yüzlərlə günahsız insanın qanının tökülməsinə, insanların qorxu və narahatlıqla yaşamalarına səbəb olan terror darvinizmlə qidalanır. Faşizm və kommunizm kimi ötən əsrə damğasını vuran qanlı ideologiyalar darvinizmdən qaynaqlanır. Bir çox cəmiyyətin yaşadığı əxlaqi çöküntü darvinist təbliğatın nəticəsidir.

Müsəlmanların məsuliyyəti "yer üzündə fitnə yox olana kimi" elmi mübarizəyə davam etməkdir. Dövrümüzün ən təhlükəli və ciddi fitnəsi isə darvinizmdir. "Darvinizm alimlərin məsələsidir, bizi maraqlandırmır" kimi yanlış düşüncələr yerinə, müsəlmanlar yer üzündə böyük zülmə səbəb olan bu ideologiyanı fikirlə təsirsiz hala gətirməlidirlər. Bunun əksi zülmə razı olmaqdır ki, səmimi iman gətirən belə bir məsuliyyəti öz üzərinə götürməz.

Bu böyük fikri mübarizədən qaçmağın məsuliyyəti

Saleh möminlər təbliğ məsuliyyətlərini böyük şövqlə yerinə yetirir və din əxlaqının yayılması üçün çalışırlar. Bununla yanaşı, din əxlaqının yayılmasına və yaşanmasına mane olan ünsürləri müəyyən edib, bunlara qarşı təsirli fikri mübarizə aparırlar. Materializmin və ateizmin elmi əsası olan darvinizm hal-hazırda insanları dindən uzaqlaşdıran ən vacib addımdır. Buna görə də möminlərin darvinist təbliğatı qarşısında səssiz qalmaları düzgün deyil.

Həm darvinizmə qarşı mübarizə aparmayıb, həm də dünyada baş verən çətinliklərdən, müsəlman xalqların yaşadığı əziyyətdən, ictimai degenerasiyadan narahat olduğunu deməyin mənası yoxdur. Çünki sıxıntıda olan müsəlmanlara kömək etmək istəyənlər aclığa, yoxluğa, ədalətsizliyə qalıcı həll yolu tapmalı, qarşıdurmaların sona çatmasını, sülhün hakim olmasını, müsəlmanların dünyanın hər tərəfində sevgi və hörmət görməsini, müqəddəs dəyərlərimizin qorunmasını tələb edənlər darvinizmə qarşı mübarizə aparmaq məcburiyyətindədirlər. Çünki darvinizm yox olmadıqca bu istəklərinin reallaşması mümkün deyil. Darvinizm var olduqca, materializm və ateizm fəaliyyətini davam etdirəcək, insanlar da din əxlaqından uzaqlaşacaqlar. Din əxlaqından uzaq mühitlərdə isə yuxarıda sayılan problemlərin yaşanması normaldır.

Belə ki, ağcaqanadlarla mübarizədə ağcaqanadların çoxalmasına səbəb olan bataqlığın qurudulmasıdırsa, ictimai problemlərin həlli də darvinizmin yox edilməsidir. İstəyən tək-tək ağcaqanadları öldürə bilər, lakin bataqlıq qurudulmadıqca bütün gününü ağcaqanadları məhv etməyə sərf etsə də, sabah eyni mübarizəni davam etdirməli olacaq.

Ədalətsizlik, kasıblıq, ictimai bərabərsizliyin aradan qaldırılması, müharibələrin bitməsi kimi mövzularda tək başına çalışmaları təbii ki, vacib və əhəmiyyətlidir. Lakin məsələnin kökündən həll olması və istənilən nəticənin əldə edilməsi üçün darvinizm tamamilə təsirsiz hala gətirilməlidir. Darvinizmin fikirlə yox edilməsi ilə bu problemlər də həll olunacaq. Çünki bu problemləri yaradan səbəb yox olacaq.

Elə buna görə də bütün müsəlmanlar darvinizmə qarşı elmi mübarizə aparmağın necə məsuliyyətli iş olduğunu bir daha düşünməlidilər. Allah Quranda üzrsüz halda oturanlarla bütün imkanları ilə cəhd edənlərin Allah qatında qarşılığının bir olmadığını bildirib:

Möminlərdən – üzrlülər istisna olmaqla – (evdə) oturanlarla Allah yolunda öz malları və canları ilə cihad edənlər eyni olmazlar. Allah öz malları və canları ilə cihad edənləri (evdə) oturanlardan dərəcə etibarilə üstün etdi... (Nisa surəsi, 95)

Şübhəsiz ki, saleh möminlər Allahın razılığının ən çoxunu istəyirlər. Buna görə də bütün imkanlarından istifadə edərək dinsizliyə və darvinizmə qarşı fikri mübarizə aparmaqla məsuldurlar.

Quranda "Şübhəsiz ki, kafir olanlar (insanları) Allah yolundan sapdırmaq üçün öz mallarını sərf edirlər..." (Ənfal surəsi, 36) ayəsi ilə inkarçıların dinsizliyi yaymaq üçün fasiləsiz çalışdıqları bildirilib. İnkarçıların bu cəhdi qarşısında inanclı insanların reaksiyasız qalmaları, təhlükəyə fikir verməmələri, passivlikləri, utancaqlıqları doğru davranış deyil. Məsuliyyətlərini dərk edən saleh müsəlmanlar darvinizm təhlükəsinə qarşı aktiv və cəsur fikri mübarizə aparmalı, müxtəlif bəhanələrlə bundan qaçmamalıdırlar. Çünki bunun qarşılığının axirətdə böyük olacağının şüurundadırlar.

Darvinizmə qarşı fikri mübarizədə birləşmək lazımdır

Belə geniş elmi mübarizənin təsirli olması üçün müsəlmanlar birlik və bərabərliklə hərəkət etməlidirlər. Allah Quranda müsəlmanların inkar edənlərə qarşı aparacaqları fikri mübarizədə birləşmələrini bildirib. Ayədə müsəlmanların birləşmədikləri təqdirdə yer üzündə fitnə-fəsad olacağı belə buyurulub:

Kafirlər də bir-birinə dostdurlar. Əgər siz bunu etməsəniz (bir-birinizə yardımçı olmasanız), yer üzündə fitnə və böyük bir fəsad baş verər. (Ənfal surəsi, 73)

Dinsizliyin dünyanın böyük hissəsində yayıldığı, terror və anarxiyanın insanları qorxutduğu, günahsız insanların zülm və təzyiqə məruz qaldığı dövrdə iman gətirənlər darvinizmə qarşı mübarizə aparmaq üçün bütün imkanlarından istifadə etməlidirlər. Çünki dinsizlik və ateizmin güvəndiyi darvinizmdir. Müsəlmanların aralarındakı düşüncə ayrılığından birləşə bilmədikləri üçün bu mübarizədə zəifləyirlər. Belə şərtdə fikir ayrılığından əl çəkib, din əxlaqının yayılması üçün birləşmək önəmlidir.

Allah Quranda möminlərə "bir-birinizlə mübahisə etməyin, yoxsa ruhdan düşər və zəifləyərsiniz." (Ənfal surəsi, 46) buyurub və bunun müsəlmanları zəiflədəcəyini bildirib. Başqa ayədə də aşağıdaki kimi buyurulub:

Özlərinə aydın dəlillər gəldikdən sonra firqələrə ayrılıb ixtilaf edənlər kimi olmayın. Onları böyük bir əzab gözləyir. (Al-i İmran surəsi, 105)

Bəzi iman gətirənlərin dinsizliyə qarşı apardıqları fikri mübarizədə birləşə bilmədiklərinin təməlində Allahın buyurduğu əxlaqı yaşamamaları dayanır. Bu əxlaq təvazökarlığa əsaslanır. Təkkəbürlənənlər özlərinin və fikirlərinin doğru olduğunu düşünür, fərqli düşünənləri alçaldır və onlara qəzəblənirlər. Fikirlərinin doğruluğundan şübhələnmədikləri üçün özlərini heç vaxt sorğu – sual etmirlər və buna görə də daha yaxşıya doğru gedə bilmirlər. Yalnız öz fikirlərinin eşidilməsini, yayılmasını, izah edilməsini istəyirlər. Onunla bərabər cəhd edənlərə dəstək vermir, bu cəhdləri görməzlikdən gəlirlər. Çox vaxt öz aləmlərində digərlərinin işlərinə və fəaliyyətlərinə fikir vemir, hətta bu işlərə mane olmağa çalışırlar. Yalnız özünü bəyənənlər haqqında Quranda, "...onlar öz dinini aralarında parçalayıb firqələrə bölündülər. Hər firqə öz təriqətinə sevinir." (Muminun surəsi, 53) ayəsində bildirib.

Bu Allahdan qorxub çəkinənlər və axirət günündə hesab verəcəyinə iman gətirənlərin şiddətlə çəkinmələri olan vəziyyətdir. Bu mövzunun əhəmiyyətini dərk edənlər digər möminləri də bu yanlışı etməkdən çəkindirmələri, müsəlmanların Quran əxlaqında və dinsizliyə qarşı həyata keçirilən fikri mübarizədə ittifaq etmələrini təmin etmək üçün cəhd etməlidirlər.

Darvinizmə qarşı aparılan elmi mübarizədə hər müsəlman məsuliyyəti boynuna götürməlidir. Bütün müsəlman qeyri-hökumət təşkilatları, fondlar və dərnəklər ortaq hərəkət etməli, "bu bizim təşkilatın işi deyil" və ya "bu bizim dərnəyin əsəri deyil" deyə düşünmədən, bu mübarizəyə kömək etməlidirlər. Mənsub olduğu vəqfin, dərnəyin, təşkilatın işlərindən başqa bütün işlərə laqeyd yanaşmaq, "Bizdən biri deyil, ona görə fikrinə də əhəmiyyət vermirik" məntiqində olmaq müsəlmanlara yaraşmayan yanaşmadır. Dünyanın hər tərəfində müsəlmanların hal-hazırdaki vəziyyəti, anarxiya və terrorun səbəb olduğu qorxu və narahatlıq mühiti din əxlaqının yayılmasının vacibliyini göstərir. Bu şərtlər daxilində müxtəlif bəhanələr qarşıya qoyaraq darvinizmə qarşı mübarizə aparmaqdan qaçaraq, birlik və bərabərlik ruhu ilə hərəkət etmədiyi üçün həm dünyada, həm də axirətdə məsuliyyət daşıyacaq. Səmimi müsəlmanlar bu səhvə yol verməməlidirlər.

Darvinizmə qarşı aparılan fikri mübarizəyə laqeyd yanaşmamaq

Darvinizmə qarşı fikri mübarizədən qaçanlar darvinist təhlükəni tam mənası ilə qavraya bilmədikləri kimi, bu mübarizəni də görməzlikdən gəlməyə çalışırlar. Halbuki xüsusilə ölkəmizdə son 20 ildir darvinizmə qarşı geniş elmi mübarizə aparılır. Bu elmi mübarizə dünya səviyyəsində də təsirini göstərir. Məsələn, təkamülçü nəşrləri ilə tanınan “National Geographic” jurnalının 2004-cü il noyabr sayının ingilis və alman nəşrinin üz qapağında "Was Darvin wrong?" (Darvin yanılmış idimi?) başlıqlı xəbərə yer verilib. Bu xəbərdə təkamül nəzəriyyəsinin saxtakarlığını ifşa edən şəxs və qruplara diqqət çəkilərək Harun Yəhya və işlərindən bəhs edilib. Harun Yəhyanın işlərinin darvinist dairələrdə böyük narahatlıq yaratdığını göstərən bu xəbərdə bu ifadələrə yer verilib: Quranda bildirildiyi kimi, kainatın altı gündə yaradıldığının ifadə edildiyi “Təkamül yalanı” kitabının yazıçısı İslam yaradılışçısı Harun Yəhya təkamül nəzəriyyəsini belə izah edir: Bu nəzəriyyə dünyanı idarə edən qüvvələr tərəfindən bizlərə təlqin edilməyə çalışılan saxtakarlıqdan başqa bir şey deyil.

Məşhur “New Scientist” jurnalı isə 22 aprel 2000-ci il tarixli xəbərində belə qeyd edib: Harun Yəhya beynəlxalq qəhrəmana çevrildi. Kitabları İslam dünyasının hər tərəfinə yayılıb.

Digər məşhur jurnalı “Science” 18 may 2001-ci il tarixli sayında nəşr olunan Robert Koenig imzalı və "Creationism Take Root Where Europe, Asia Meet" (Avropa ilə Asiyanın birləşdiyi yerdə yaradılış kök salır) başlıqlı yazıda da Harun Yəhyanın təkamül nəzəriyyəsi saxtakarlığına qarşı apardığı elmi mübarizəyə, “Təkamül yalanı” adlı kitabın beynəlxalq müvəffəqiyyətinə və Türkiyədəki təkamülçülərin çarəsizlikləri haqqında məlumat vermişdir. Yazıda təkamül nəzəriyyəsini elmlə devirməyi hədəf alan bu böyük akademik hərəkatın "Şimali Amerika xaricində, dünyanın ən güclü anti-təkamülçü hərəkat" olduğunu və "digər müsəlman ölkələrə də sürətlə yayıldığı" xüsusi qeyd olunub.

Yazıda üzərində durulan digər mövzu isə “Təkamül yalanı” kitabının beynəlxalq müvəffəqiyyəti və bəzi türk təkamülçü alimlərinin "bu kitabların ölkənin bəzi bölgələrində məktəblərdə tədris olunan dərs kitablarından daha təsirli olduğundan şikayət etdikləri" barəsindədir. Türk təkamülçülərin qorxuları məqalədə "... Buradakı (təkamülçü) alimlərin çoxu təkamülçülərin ictimaiyyətdə türk yaradılışçıları qarşısında etibarlarını itirməkdən qorxurlar" cümlələri ilə bildirilib.

Darvinizmə qarşı aparılan elmi mübarizənin təsirini əks etdirən digər nümunə də, Amerika Milli Elm Təhsili Mərkəzinin (NSCE) nəşr etdiyi jurnalda yerləşdirilən xəbərdir. Amerika Elmlər Akademiyası tərəfindən dəstəklənən jurnal əslən təkamül tərəfdarı olmasına baxmayaraq, noyabr-dekabr 1999-cu il tarixli sayını Harun Yəhyanın təkamül nəzəriyyəsinin çöküşü mövzulu işlərinə həsr etmişdir. "Islamic Scientific Creationism in Turkey" (Türkiyədə İslami Elmi Yaradılışçılıq) başlığı ilə jurnalın üz qabığında verilən xəbərdə aparılan işlər ətraflı araşdırılıb.

Və 2007-ci il ....

"Darvinə meydan oxuyan möhtəşəm əsər"
Svenska Dagbladet, İsveç

«Milyonlarla e-mail çox kiçik xərclərlə bütün dünyanı başdan – ayağa gəzərkən bir qrup yaradılışçı islamçı bu metodun əksini seçdi. Onlar hal-hazırda kitablar nəşr etdirərək Avropada alimlərin çoxuna, yazarlara və təhsil işçilərinə göndərirlər. Bu kitabların göndərildiyi yerlərdən biri də İsveçrənin Dagbladet qəzetidir. 768 səhifəlik, rəngli və 5 kq ağırlığında olan bu möhtəşəm kitab fosil qalıqlarında olan canlıların təkamül keçirmədiklərini, milyonlarla il ərzində heç bir növün dəyişmədiyini, beləliklə darvinizmin çökdüyünü irəli sürür...

Harun Yəhyanın Yaradılış Atlasının Avropada təsirini göstərən xəbərlərdən nümunələr

2 fevral 2007-ci ildə Le blog d'Yves Daoudal şəxsi saytı Yaradılış Atlası ilə əlaqəli xəbəri "darvinist təşviş" başlığı ilə verib.

Belçikada nəşr olunan “A Voix Autre” adlı qəzetdə Harun Yəhyanın Yaradılış Atlası adlı əsərinin Fransada meydana gətirdiyi təsiri "Pərdə arxasında yaşanan çaxnaşma!" və "Yaradılışçı ədəbiyyat bu günə qədər belə güclü olmayıb" ifadələri ilə bildirilib.

“Le Nouvel Observateur » jurnalında yaradılış hərəkatının ən vacib nümayəndəsi kimi “Harun Yəhyanın özüdür" açıqlaması yer alıb.

« Science » jurnalı 16 fevral 2007-ci ildəki sayında Fransaya və bütün digər ölkələrə göndərilən Yaradılış Atlası ilə əlaqəli "Uzun zamandır təkamülə edilən ən mükəmməl hücum: Bu, son həftələrdə özlərinə Yaradılış Atlası göndərilən avropalı alimlərin ortaq fikridir" açıqlaması verilib.

3 fevral 2007-ci il tarixli “Le Monde” qəzeti Yaradılış Atlasını "unikal əsər"şəklində izah edib.

Hollandiyada qurulan Radio Netherlands'ın internet saytında yerləşdrilən Nicolien Den Boer'in məqaləsində "Yaradılış Atlası bütün Avropada böyük tufan yaratdı" yazılıb.

2 fevral 2007-ci il tarixli “Le Figaro” qəzetində "İslami Yaradılışçılığın Fransaya hücumu" başlıqlı xəbər yerləşdirilib.

3 fevral 2007-ci il tarixli “Le Monde” qəzetində "Yaradılışçılar fransız məktəblərinə doğru hücuma keçdi" başlıqlı xəbər yerləşdirilib.

6 fevral 2007-ci il tarixli “La Liberation” qəzetində "Harun Yəhya Türkiyədə yaradılışçılığın ən böyük müdafiəçisi" olaraq tanınır.

5 fevral 2007-ci ildə “The Washington Post” qəzeti Yaradılış Atlasının təsirini "Darvinizmə qarşı həyəcanlı hücum" olaraq qeyd edib.

İtalyan-fransız əməkdaşlığı ilə hazırlanmış olan www.bellaciao.org adlı xəbər saytında 9 fevral 2007-ci il tarixində bütün dünyada yaradılışı müdafiə edən hərəkatlarla bağlı xəbər yerləşdirildi. Xəbərdə Darvinin nəzəriyyəsini etibarsız edən Harun Yəhya (Türk, əsl adı Adnan Oktar) təkamül nəzəriyyəsini rədd etməkdən daha da irəli gedib" deyilirdi.
Tanınmış amerikalı jurnalist Doug Ireland şəxsi saytında "İslami Yaradıcılıq Fransanı zəbt etdi" başlığı ilə xəbər nəşr etdi.

Gaullisme adlı fransız siyasi saytında 3 fevral 2007-ci ildə verilən xəbərdə "... Yaradılışçılığın ən aktiv təbliğçisi «beynəlxalq Harun Yahya nəşrləri»nin gücü ilə Harun Yəhyadır" deyilirdi.

Le blog des bactéries et de l'évolution adlı şəxsi təkamül mövzulu saytda 8-9 fevral 2007-ci ildə iki xəbər nəşr olundu. Xəbərdə Yaradılış Atlası üçün belə yazılıb: "Quran ayələrinə istinadən yaradılmış döyüş gəmisi".

Belçikanın ən məşhur qəzetlərindən biri olan Le Soir'ın 5 mart 2007-ci ildəki sayında Harun Yəhyanın Yaradılış Atlası adlı əsərinin dünya səviyyəsindəki təsiri haqqında xəbər yerləşdirilib. "Qırmızı kitab Darvinin fikrini rədd edir" başlıqlı xəbərdə Harun Yəhyanın fəaliyyəti "dahiyanə cəhd" olaraq təsvir edilir.

Liege Universitetindən Prof. Bernard Rentiernin şəxsi səhifəsində bu açıqlamalar var: Məzmun çaşdırıcı, amma təsiredicidir. Bu atlasın bütün dünyaya yayılmasından sonra yaranacaq təsiri düşünməyə insan cəsarət edə bilmir...

Polşada yaradılışı müdafiə edən Polskie Towarzystwo Kreacjonistyczne adlı təşkilat internet saytında "Bəzi ölkələrdə yazarın kitablarının məktəb kitablarından daha nüfuzlu olduğu"nu bildirib.

23 martda Polşanın internet jurnalı olan Interia.pl'da Harun Yəhyanın Yaradılış Atlası əsəri ilə əlaqəli "Anti – darvinist təhsil kitabı darvinistləri təəccübləndirdi" başlıqlı xəbər yerləşdirilib.

'Glos Nauczycielski' adlı internet xəbər saytı Belçika Milli Təhsil Nazirliyinin kitabdan yaranan qorxusunu "Antidarvinist kitab Belçika məktəblərini vurdu" başlığı ilə bildirib.

Dziennik Online adlı xəbər saytı Belçikanın yaradılış düşüncəsinə göstərdiyi reaksiya haqqında səhifələrində xəbər yerləşdirib. Belçika nümayəndələri isə "kitabın təcili şəkildə aradan qaldırılmalı olduğunu söyləyirlər".

İsveçrənin ən böyük qəzetlərindən biri olan “Le Matin”de 2 may 2007-ci ildə nəşr olunan xəbərin başlığı bu şəkildə idi: "Avropada güclü təbliğat: qeyri-adi Atlas bütün İsveçrəni zəbt etdi!"

Liège Universitetinin aylıq jurnalında 15 may 2007-ci ildə "heyrət doğuran yaradıcılıq nümunəsi: Türk əsər təkamülü müzakirəyə çıxarır!" başlıqlı xəbər verilib.

Almaniyanın ən böyük qəzetlərindən biri olan “Die Welt”in 20 iyun 2007-ci ildəki sayında "Təkamülə Qarşı Quranla mübarizə" başlıqlı böyük xəbər yerləşdirilib. Xəbərdə "Paris Təhsil Nazirliyi təşvişə düşərək kitabın dərslərdə oxudulmaması üçün təlimat verib" məlumatı paylaşılıb.

20 fevral 2007-ci ildə Almaniyada "hpd – online.de" adlı xəbər saytında Yaradılış Atlası ilə əlaqədar xəbər yerləşdirilib. Xəbərdə Fransa və Benelüks ölkələrinə göndərilən əsərlərin yaratdığı çaxnaşma qeyd edilib.

Amerikadakı www.newsmax.com adlı böyük xəbər saytında 22 noyabr 2006-cı ildə "Türklər: Ateizm "terrorizmin mənşəyidir" başlıqlı xəbər yerləşdirilib. Xəbərdə belə qeyd olunub:" Bu, Amerika yaradılışçılarının xəyal belə edə bilməyəcəyi qədər təsirlidir".

Belçikada nəşr olunan « La Libre Belgique » qəzetinin 23 mart 2007-ci ildəki sayında "Təkamül nəzəriyyəsini böyük müvəffəqiyyətlə rədd edən yazardır..."şəklində ifadə qeyd edilib.

Irish Independant, Kevin Myers, 9 mart 2007: "Harun Yəhyanın Global nəşriyyat evində nəşr etdirdiyi Yaradılış Atlası adlı kitabı bəlkə də bu ilə qədər olan ən qeyri-adi hadisədir ...."

İsveçrədə nəşr olunan Svenska Dagbladet adlı qəzetin 4 mart 2007-ci ildəki sayında Carl-Johan Bilkenroth tərəfindən hazırlanan xəbərdə Atlasdan «Darvinə meydan oxuyan möhtəşəm əsər» kimi ifadələri ilə bəhs edilib.

4 İyun 2007-ci ildə İtalyanın ən böyük qəzeti olan “Corriera della Sera”da “Yaradılış Atlası” başlıqlı xəbərdə bu ifadə bildirilib: "Yaradılış Atlası ilə mübarizə aparan İslam yaradılışçıları arasında yarış başladı. İkisindən hansının qalib olacağını bilmirik, amma qəti olaraq bildiyimiz şey bizim məğlub olacağımızdır.."

Armenews adlı xəbər agentliyinin internet saytında 18 aprel 2007-ci il tarixindəki xəbərdə "Türkiyədə təkamülə qarşı mübarizənin qələbə qazanmasına az qalır" ifadəsi yer alıb. Həmçinin Dragor adlı italyan təkamülçü saytda "Darvinə əlvida" başlıqlı açıqlama qeyd edib. Yaradılış Atlasının Fransa və İtaliyada yaratdığı təsiri müqayisə etdiyi açıqlamada Harun Yəhyanın liderlik etdiyi İslami yaradılışçılığa mane olmağın mümkünsüzlüyü "Fransa daha nə qədər dözəcək?" sözləri ilə vurğulayıb.

Darvinist məntiq artıq çöküb

Quranda "...sizdən əvvəlki nəsillərdə yer üzündə fitnə-fəsad törətməyi qadağan edən ağıl və hikmət sahibləri olmalı deyildimi? ..." (Hud surəsi, 116) ayəsi ilə yer üzündə əmin-amanlığın və nizamın pozulmasına səbəb olan ünsürlərə qarşı fikri mübarizə aparmağın əhəmiyyətli olduğu bildirilib. Hal-hazırda insanların dincliyini pozan, təhlükəsizlik və sülh mühitinin yaranmasına mane olan axınların təməlində darvinizm var. Səmimi müsəlmanlar da bu həqiqətin şüurunda olmalı, bu təhlükəni görməzdən gəlməməli, bütün imkanları ilə bu təhlükəni fikirlə yox etmək üçün cəhd etməlidirlər. Elmi olaraq çökmüş darvinizmin materialistlər və ateistlər tərəfindən inancsızlığın təbliğatı olaraq istifadəsi və müdafiəsi açıq həqiqətdir. Niyə darvinizmlə elmi mübarizə aparıldığını başa düşməyənlərin bəhanələri bu həqiqəti dəyişdirmir.

Darvinistlərin dünyanı necə gördüklərini və necə dünya istədiklərini, təkamülçü zooloq Riçard Dokinzin bu sözləri bir daha sübut edir:

Fiziki qüvvələr və genetik kopyalama dünyasında bəzi insanlar acı çəkəcək, bəzi insanlar da daha yaxşı yaşayacaqlar. Bunun hər hansı nizamı, səbəbi və ya ədaləti yoxdur. Yaşadığımız kainat elə bizim düşündüyümüz kimidir və bunun təməlində dizayn, məqsəd, yaxşılıq və ya pislik yoxdur, yalnız kor və mərhəmətsiz fərqsizlik var.

Dokinzin sözlərindən də göründüyü kimi, darvinist məntiqə görə həyat təsadüflərin nəticəsidir, insanın hər nə olursa olsun həyatını davam etdirməkdən başqa məqsədi olmamalıdır. Bu batil təlqinlərə görə bəzi insanların acı içində yaşaması təbiidir. Buna görə də bu insanlara kömək edərək təbiətin nizamını pozmağın mənası yoxdur. Ədalət istəmək və ya ədalətli davranmaq da mənasızdır. Təkamülçülərə görə kainat qeyri-müəyyən şəkildə yaranıb, insanların bu kainatda yaranma səbəblərini düşünmələri vacib deyil, əhəmiyyətli olan yaşamaq üçün mərhəmətsiz olmalarıdır. Hər şeyin təsadüfən yarandığı bu mühitdə varlığının məqsədi olmayan insan, vəhşi heyvanlar kimi mübarizə aparmalı, döyüşməli, digərlərinə hücum etməli, özündən başqasını düşünməməlidir.

Şübhəsiz ki, bu saxta məntiqin axirətdə hesab verəcəyini bilərək hərəkət etməyi, gözəl davranmağı, Allaha qarşı məsul olduğunu unutmamağı, səbir etməyi, insanlara dəyər verməyi, fədakar olmağı, təvazökar davranmağı əmr edən İslam əxlaqı ilə uyğunlaşdırmaq mümkün deyil. Lakin buna çalışanlar materialistlərin və darvinistlərin hiyləgər oyununa aldanırlar. Səmimi müsəlmanlar keçmişdə bu oyuna aldansalar da, həqiqətləri görməli və bu aldanışın nə qədər təhlükəli olduğunu dərk etməlidirlər.

Yaşadığımız dövr darvinizmlə dəstəklənən ideologiyaların səbəb olduğu acılar və çətinliklərdən ibarətdir. Darvinizmə qarşı aparılan elmi mübarizə ilə bu dövr tezliklə Allahın izni ilə sona çatacaq və bütün dünya bu böyük bəladan xilas olmağın rahatlığını yaşayacaq. Rəbbimiz Quranda nurunu şübhəsiz tamamlayacağını vəd edib:

Onlar ağızları ilə Allahın nurunu söndürmək istəyirlər. Allah isə (buna) yol verməz, kafirlərin xoşuna gəlməsə də, O, Öz  nurunu tamamlayar. (Tövbə surəsi, 32)

Materialistlər və ateistlər də nə qədər din əxlaqının, Allahın nurunun yayılmasına mane olmağa çalışsalar da, dünya görüşlərinin təməli olan darvinizm artıq çöküb. Din əxlaqının yayılmaması üçün etdikləri cəhdlərin heç bir əsası yoxdur. Bu həqiqət getdikcə daha çox insan tərəfindən dərk edilir və dünyanın hər tərəfindən insanlar imana və din əxlaqına meyillənirlər. Allahın diləməsi ilə tezliklə insanlar axın-axın haqq dinə dönəcəklər və Rəbbimizin vəd etdiyi kimi Allahın nuru bütün yer üzünə hakim olacaq.

İman gətirənlərin məsuliyyəti və duası isə inkara qarşı həyata keçirilən və inşaAllah müvəffəqiyyətlə nəticələnəcək bu böyük fikri mübarizədə bütün imkanları ilə haqqın yanında olmaq və cəhd etməkdən ibarətdir. Ümid edirik ki, İslamla darvinizm arasında ortaq yol tapmağa çalışanlar da bu niyyətlərini unudacaq və səhv yoldan geri dönəcəklər.